Ram Janmala ga Sakhi Lyrics

चैत्रमास, त्यांत शुद्ध नवमी ही तिथी
गंधयुक्‍त तरिहि वात उष्ण हे किती
दोन प्रहरी का गं शिरीं सूर्य थांबला ?
राम जन्मला गं सखी राम जन्मला

कौसल्याराणि हळूं उघडि लोचनें
दिपुन जाय माय स्वतः पुत्रदर्शनें
ओघळले आंसु, सुखे कंठ दाटला

राजगृहीं येई नवी सौख्य पर्वणी
पान्हावुन हंबरल्या धेनू अंगणी
दुंदुभिचा नाद तोच धुंद कोंदला

पेंगुळल्या आतपांत जागत्या कळ्या
‘काय काय’ करित पुन्हा उमलल्या खुळ्या
उच्‍चरवें वायू त्यांस हसून बोलला

वार्ता ही सुखद जधीं पोंचली जनी
गेहांतुन राजपथी धावले कुणी
युवतींचा संघ एक गात चालला

पुष्पांजली फेकी कुणी, कोणी भूषणे
हास्याने लोपविले शब्द, भाषणे
वाद्यांचा ताल मात्र जलद वाढला

वीणारव नूपुरांत पार लोपले
कर्ण्याचे कंठ त्यात अधिक तापले
बावरल्या आम्रशिरीं मूक कोकिला

दिग्गजही हलुन जरा चित्र पाहती
गगनांतुन आज नवे रंग पोहती
मोत्यांचा चूर नभी भरुन राहिला

बुडुनि जाय नगर सर्व नृत्यगायनी
सूर, रंग, ताल यात मग्‍न मेदिनी
डोलतसे ती ही, जरा शेष डोलला

Ram Janmala Song Lyrics

Chaitramaas, tyaant shuddh nawami hi tithi
Gndhayuk‍at tarihi waat ushn he kiti
Don prahari ka gn shirin sury thaanbala ?
Raam janmala gn sakhi raam janmala

Kausalyaaraani halun ughadi lochanen
Dipun jaay maay swath putradarshanen
Oghalale ansu, sukhe knthh daatala

Raajagrihin yei nawi saukhy parwani
Paanhaawun hnbaralya dhenu angani
Dundubhicha naad toch dhund kondala

Pengulalya atapaant jaagatya kalya
‘akaay kaaya’ karit punha umalalya khulya
Uch‍acharawen waayu tyaans hasun bolala

Waarta hi sukhad jadhin ponchali jani
Gehaantun raajapathi dhaawale kuni
Yuwatincha sngh ek gaat chaalala

Pushpaanjali feki kuni, koni bhushane
Haasyaane lopawile shabd, bhaashane
Waadyaancha taal maatr jalad waadhala

Winaaraw nupuraant paar lopale
Karnyaache knthh tyaat adhik taapale
Baawaralya amrashirin muk kokila

Diggajahi halun jara chitr paahati
Gaganaantun aj nawe rng pohati
Motyaancha chur nabhi bharun raahila

Buduni jaay nagar sarw nrityagaayani
Sur, rng, taal yaat mag‍an medini
Dolatase ti hi, jara shesh dolala